Второлигашот Детонит Плачковица продолжува со промоција на нови играчи – денес во Радовиш беа претставени Валентин Блажески, Мартин Шаренковски и Мартин Пивковски.
Блажески кој има 19 години во Детонит Плачковица доаѓа од редовите на Њу Старс, каде настапува од 2021 година, а претходно младиот талентиран фудбалер од Охрид беше дел од Охрид Топ Тим и Академија Пандев 10 каде ги направи своите први фудбалски чекори.
18-годишниот Шаренковски е дете на Брера, а игра во средниот ред. Левиот бек Пивковски кој има 20 години, низ кариерата покрај за Брера Струмица настапуваше и за Кожуф, Новаци.
Новата сезона екипата на Детонит Плачковица ја отвара со гостување кај новиот второлигаш Големо Коњари, а првото коло се игра на 23 август.
