Новата сезона во женскиот ракомет ја носи и новоформираната Првата лига, а во која ќе настапат седум екипи, пет од минатата сезона кои беа дел од плеј-аутот и два дебитанти.
Шампион, Овче Поле СУ, Ѓорче Петров 2, Стружанка и Деспина се екипи од минатата сезона кои беа дел од плеј-аутот на Суперлигата, а пак Јехона од Гостивар и скопски Атлетик се новајлии во Првата лига во женска конкуренција.
Во рамки на првото коло Шампион ќе го пречека тимот на Деспина, Јехона ќе игра со Стружанка, Овче Поле СУ во Свети Николе ќе го пречека тимот на Ѓорче Петров 2, а пак Атлетик во рамки на првото коло ќе биде слободен, а тоа е значи дека сезоната ќе ја стартува со натпревар од второто коло.
