Подготовките на Алкалоид течат во најдобар ред, екипата предводена од Кирил Лазаров ја темпира формата за новата сезона во домашниот шампионат, но и за Европа.
27-годишниот Михаил Аларов кој игра на позицијата пивот, не му беше потребно многу време за да се адаптира на новата средина.
Вели дека одлично се вклопил во новиот клуб од Автокоманда, притоа додека дека условите за работа се одлични и професионални
„Работиме доста напорно, имаме доволно време да ја темпираме формата според желбите на тренерот Лазаров и добро да се спремиме за тешката сезона, која сигурно ќе биде највозбудливата досега. Ќе имаме и тежок противник во Европа, но ние како играчи даваме максимум секој ден, екипата е сложна, полека се подготвуваме за нашите цели кои сакаме да ги оствариме и исполниме. Во РК Алкалоид се вклопив одлично затоа што играчите ги познавам од порано, условите за работа се одлични и професионални и немам никакви забелешки. Околу очекувањата за она кое ни следи, не сум човек кој сака да говори предвреме за трофеи, туку само да работиме и да градиме резултати. Целите секако дека се високи, имаме желба да играме и групи во Европската лига на ЕХФ, а дали ќе успееме, времето ќе покаже. Наше е да работиме“, изјави Аларов.
