Со натпреварите од првото коло на 5 односно 6 септември ќе започне новата сезона во женската ракометна Суперлига.
Во истата ќе настапат осум екипи – шампионот Ѓорче Петров, Пелистер, Астибо, Металург Автокоманда, Вардар, Спартак, Куманово и Чаир.
Актуелниот шампион Ѓорче Петров одбраната на титулата ја стартува против Куманово на домашен терен, Пелистер сезоната ја отвара во Битола каде ќе го пречека Чаир.
Во Штип, домаќинот Астибо ќе игра со Спартак, а првото коло го носи скопското соочување меѓу Металург Автокоманда и Вардар.
Како што е познато во Суперлигата настапуваат шесте екипи кои лани беа во плеј-офот плус првите две екипи кои беа во плеј-аутот, а тоа се Спартак и Пелистер, останатите ќе играат во новоформираната Првата женска ракометна лига.
