Додека Победа од Прилеп се соочува со сериозни проблеми околу подготовките и неизвесноста со играчкиот кадар, клубот секојдневно бележи одлив на фудбалери. Последен во низата заминувања е младиот голгетерски бисер, Салим Арифи.
18-годишниот напаѓач ја напушти татковината и официјално потпиша двегодишен договор со косовскиот клуб Митровица. Арифи, кој е родум од Прилеп, важи за еден од најголемите фудбалски таленти на Победа, со над 100 постигнати голови во сите младински категории на клубот.
Тој има настапи и за младинските репрезентации на Македонија, а со новиот договор во Митровица, направи голем чекор во својата кариера. Според информациите, договорот содржи и откупна клаузула во висина од 100.000 евра – јасен сигнал за потенцијалот и довербата која косовскиот клуб ја има во Арифи.
Останува да се види дали талентираниот напаѓач ќе успее да се наметне и да блесне и во новата средина, но без сомнение ова е значаен трансфер во неговиот развој како професионалец.
