Полуфиналните пресметки на Малеш Куп 2025 во Берово донесоа навистина возбудлив фудбал и го открија финалниот пар на годинешното издание на турнирот, кој со години е вистински спортски празник во источниот регион.
Во првиот полуфинален натпревар, тимот на Еклектик со минимални 1:0 го совлада составот на Pub Делчево Монополо, во тактички натпревар со многу шанси и голема борба. Херој на мечот беше Ерол Пилов, кој го постигна единствениот и победоносен погодок, доволен за пласман во финалето.
Второто полуфинале понуди вистински спектакл и голеада. Тимот на ОФК Карбинци Алфи буквално го прегази ДЕУТЗ Вих Двориште со убедливи 8:1, наметнувајќи се како главен фаворит за трофејот. Кире Крстевски блескаше со хет-трик, а по два гола постигнаа Дејан Кајсторовски и Никола Анчевски, додека еден гол додаде и Марио Антевски. За Вих Двориште почесниот погодок го постигна Кадир Амза.
Со тоа, утрешниот финален ден носи две интересни пресметки:
19:30 часот – Натпревар за трето место: Pub Делчево Монополо – ДЕУТЗ Вих Двориште
20:30 часот – Големото финале: Еклектик – ОФК Карбинци Алфи
Турнирот „Малеш Куп“ во Берово и оваа година го привлекува вниманието на бројна публика, додека Спортска Мрежа продолжува да биде медиумски покровител на настанот од 2022 година, следејќи го развојот и афирмацијата на малиот фудбалот во регионот преку „Малеш Куп“.
Дојдете утре во Берово на добар фудбал, добра храна, добра забава и дружба, ова мало гратче во источниот дел на Македонија е одличен избор и за бегство од високите температура, па планината е вистински и идеален избор.
