Со три возбудливи дуели започна елиминацискиот дел од турнирот во мал фудбал „Враништа 2025“. Публиката во голем број ги исполни трибините, а играчите возвратија со одлична игра, пожртвуваност и многу емоции на теренот.
Во првиот натпревар од вечерта, фаворизираната екипа на Аце Најдески ја оправда улогата и со сигурни 4:1 го совлада тимот на Јован 2014, обезбедувајќи пласман во четвртфиналето.
Вториот дуел донесе вистинска драма – Студио 13 и Виена Комерц одиграа неизвесен меч, кој на крај заврши со победа за Студио 13 од 3:2, по борба до последен момент.
Најголемото изненадување вечерва го приреди Кафе Бар 9, кој во последниот меч успеа да ја елиминира силната екипа на Би-Зи Груп со резултат 3:1, иако многумина не им даваа предност пред натпреварот.
Утре (26 мај) на програмата ќе бидат нови три осминафинални натпревари:
-
Инекс Олгица – Кафе Линди (20:00)
-
Бел Мерцедес – Том Гор (21:00)
-
Гостилница Кај Мече – Станица и Викса Пром (22:00)
Поддршката од трибините е сè погласна, а патот до трофејот станува сè потесен. Љубителите на фудбалот и понатаму се повикани да бидат дел од оваа спортска приказна во Враништа! Спортска Мрежа е медиумски покровител.
