Во новата сезона 2025/2026 ќе се натпреваруваат 12 екипи, а од сезона 2026/2027 ќе бидат десет екипи, односно ќе има кратење на лигата.
Дополнително ќе биде познато колку екипи директно ќе испаднат од Прва во Втора лига и дали ќе има баражи за опстанок.
Познати се сите екипи кои ќе настапуваат во Првата фудбалска лига за следната сезона.
Тоа се Шкендија, Силекс, Работнички, Струга Трим Лум, Вардар, Пелистер, Шкупи, Тиквеш, Брера Струмица, Македонија ЃП, Арсими и Башкими.
Македонија ЃП како шампион на Втора лига експресно се врати во Прва лига, Арсими е дебитант и за првпат ќе игра во елитата, а пак Башкими после долги години се враќа во Првата лига.
Територијално низ градови Прва лига во следната сезона ќе се гледа во Тетово, Кратово, Скопје, Струга, Битола, Кавадарци, Струмица, Гостивар (каде што ќе игра Арсими кој е од Чегране) и Куманово.
| / | Екипа |
|---|---|
| 1 | Шкендија |
| 2 | Силекс |
| 3 | Работнички |
| 4 | Струга Трим Лум |
| 5 | Вардар |
| 6 | Пелистер |
| 7 | Шкупи |
| 8 | Тиквеш |
| 9 | Брера Струмица |
| 10 | Македонија ЃП |
| 11 | Арсими |
| 12 | Башкими |
