Директна дерби пресметка за првото место во Општинската фудбалска лига во Липково, Отља против Матејче.
Овие две екипи ја продолжуваат борбата за тоа кој да биде прв во ОФЛ Липково на две кола до крајот. Екипата на Отља е на првото место со 36 бодови, а толку има и Матејче. Двете екипи имаат идентичен учинок од 12 победни и едно реми.
Екипата на Отља има 47 постигнати погодоци, а примени 17, додека пак Матејче има напад кој реализирал 37 погодоци, а примил 15 погодоци.
Големото дерби од 14. коло на ОФЛ Липково ќе се игра на стадионот Башкими во Куманово, во понеделник од 17 часот.
Главен судија на натпреварот ќе биде Валтон Маличи, а ќе му помагаат Фуркан Фетаху и Еркан Алиу, додека пак четврт судија ќе биде Аки Шукрија. За делегат на натпреварот е делегиран Рашит Јаија.
14-тата рунда беше отворена вчера со мечот меѓу Ваксинца и Ликова каде домашниот тим со 3:0 беше подобар. Сите три гола беа постигнати во вториот дел, а двапати стрелаше Агон Рушити, додека пак една погоди Арбин Ферати.
Денес, Влазними од Оризари ќе игра со Опае, а овој меч ќе започне во 11 часот.
