Второлигашот Новаци за продолжението од сезоната во Втората лига доби супер засилување, станува збор за 19-годишниот Данил Романов кој е роден во Австралија.
Официјално деби на Романов беше на мечот против Вардар во Купот на Македонија, а тој за време на летните подготовки беше дел од екипата на Новаци и на неколку пријателски натпревари постигна неколку погодоци и веднаш беше ставен на радарот на неколку екипи.
Интересно е тоа што дебито во рамки на Втората лига, Романов ќе го има против Арсими на гостински терен, а токму против оваа екипа постигна два гола за време на летните подготовки.
Романов постигна гол и против екипата на Скопје во рамки на летните подготовки, меч на кој Новаци ремизираше играјќи 1:1.
Повеќе од јасно е дека Романов ќе биде вистинско освежување во екипата на Дарко Крстески.
Новаци утре ќе гостува кај Арсими во рамки на 5. коло од Втората лига, а пак в среда ќе игра дома против ланскиот прволигаш Македонија ЃП.