Утре се играат натпреварите од 2. коло во Втората женска фудбалска лига, кое носи интересни средби.
Двете екипи кои тргнаа одлично во новата сезона со по пет постигнати погодоци ќе се судрат во Македонски Брод. Порече ќе биде домаќин на големиот фаворит за Прва лига екипата на Кочани.
Порече новата сезона ја отвори одлично со 0:5 над дебитантот Слободен, во меч каде Јована Ѓорѓиоска Блажеска со четири погодоци сама го сруши новиот второлигаш, а од друга страна со неколку прволигашки засилувања Кочани го декласираше тимот на Билјанини Извори.
Дербито на колото дефинитивно се игра во Македонски Брод, Порече како главен адут ја има Јована Ѓорѓиоска Блажеска, а пак Кочани има неколку прволигашки засилувања како Кате Милеска, Ангела Стојковска и Афродита Салихи.
Натпреварот ќе започне во 13 часот, а правдата ќе ја дели Бенарт Зеќири.
Плачковица на домашен терен како фаворит ќе го пречека тимот на Билјанини Извори во меч каде и двете екипи ќе атакуваат на победа, а Плачковица по големото реми со Вардар и можноста да се врати и со три бода од Скопје се силен мотив за тимот од Радовиш да дојде до три бода против гостинот од Охрид.
Билјанини Извори имаше дебакл на стартот од новата сезона, но тој меч е минато за охриѓанки кои во Радовиш доаѓаат да го поправат лошиот впечаток и да освојат бодови.
Мечот ќе започне во 12 часот, а правдата ќе ја дели Методија Костов.
Борец на домашен терен ќе се соочи со фаворитот Вардар, кој пак на старот од новата сезона се сопна и одигра само 2:2 против Плачковица, во меч каде вицешампионот бркаше негатива од радовишкиот тим.
Борец во средата загуби во Валандово, со четири дена одмор ќе се обиде да дојде до триумф против Вардар кој е фаворит.
Натпреварот во Велес ќе започне во 11 часот.
Слободен на домашен терен ќе го пречека тимот на Победа Валандово 16 во натпревар каде дебитантот ќе се обиде да го поправи лошиот впечаток на стартот од сезоната, откако истата ја отвори со убедлив пораз од 0:5 од екипата на Порече.
Победа тргна со триумф во новата сезона откако дома славеше над Борец, а сега ќе бара нова победа.
Иако во гостински терен сепак Победа Валандово 16 има предност со своето искуство, во однос на Слободен кој е дебитант во лигата.
Натпреварот ќе започне во 15 часот, а правдата ќе ја дели Анастасија Брајковска (Скопје)
- ДЕЛЕГИРАНИ СУДИИ 2. КОЛО ВТОРА ЖЕНСКА ФУДБАЛСКА ЛИГА:
Порече – Кочани, Бенарт Зеќири (Кичево)
Плачковица – Билјанини Извори, Методија Костов (Велес)
Борец – Вардар, Николче Димовски (Велес)
Слободен – Победа Валандово 16, Анастасија Брајковска (Скопје)
