Натпреварот меѓу Астибо и Стружанка кој требаше да се одигра денес со почеток од 12 часот нема да се одигра, бидејќи екипат на Стружанка испратила официјално известување дека нема да допатува во Штип за да го одигра натпреварот.
Натпреварувачката комисија при Ракометната федерација на Македонија ќе постапи согласно пропозициите за Супер женската ракометна лига за сезона 2024/2025.
Тоа значи дека Астибо овој меч го добива по службен пат и на своето конто додава нови три бодови за вкупно шест, откако во првото коло го доби Скопје на гостински терен, а во второто коло одмараше.
Штипјани ќе причекаат уште долго со цел да го видат Астибо на домашен терен во новата сезона, односно Астибо да го одигра својот прв настап на домашен терен во новата сезона. Во следното коло Астибо ќе гостува кај дебитантот Ѓорче Петров 2, а потоа на домашен терен ќе одигра два меча во низа против Чаир и против Скопје.
