Екипата на Плачковица преку пресврт дојде до победа на домашен терен од 3:2 над дебитантот Слободен и со победа ја затвара сезоната на домашен терен, бидејќи во последното коло радовишанки ќе играат во Валандово против Победа.
Одличен натпревар, одлични услови за игра, со желба за победа и кај едните и кај другите. Слободен силно ја посакуваше победата и сакаше за првпат во сезоната да се израдува на триумф, но немаше среќа и денес во меч каде Слободен беше најблиску до победа.
По седум минута игра капитенката Јана Ацковска успеа да постигна гол за 0:1 и водство на гостинскиот тим. Ваквиот ран гол му даде мотив повеќе на Слободен, но сепак Плачковица која има неколку одлични фудбалерки не дозволи противникот да дојде до осетна предност па преку Ивона Бангиева во 23. минута дојде до израмнување на 1:1.
Плачковица направи притисок и со неколку шанси дојде и до пресврт и водство од 2:1 на полувреме откако Розета Ташкова во 36. минута погоди за 2:1.
Во вториот дел Слободен направи поголем притисок и се играше во половината на домашниот тим, а тоа донесе втор гол за Ацковска која во 60. минута постигна гол за 2:2.
Одново се врати надежта кај Слободен за прва сезонска победа и креираше тимот неколку шанси кои поради неискуството кај младите фудбалерки не можеше тоа да се претвори во погодок, па до некаде Слободен можеби и со бод ќе беше задоволен.
Во 85. минута со втор гол Бангиева постигна гол за конечни 3:2 со што трите бодови останаа во Радовиш, а Слободен останува и натаму единствениот тим кој нема триумф.
- ДЕЛ ОД АТМОСФЕРАТА НА НАТПРЕВАРОТ ПЛАЧКОВИЦА – СЛОБОДЕН:
Порече триумфираше над Борец на Градскиот стадион во Велес со резултат од 1:3 и тоа тимот од Македонски Борд до победа дојде преку пресврт.
Весна Милојевиќ во 47. минута постигна гол за водство на домашниот тим од 1:0. Во 65. минута гостинската екипа преку Маријана Цветкоска постигна гол за 1:, а брзо потоа капитенката Јована Ѓорѓиоска Блажеска постигна гол во 71. минута за пресврт и водство на Порече од 1:2.
Сите дилеми за трите бодови ги реши Цветкоска со втор гол во 84. минута за конечни 1:3.
