Денес се играат натпреварите од 18. коло на Првата женска фудбалска лига, а познати се и судиите кои ќе делат правда.
Веќе во 10 часот ќе се игра мечот меѓу Речица и Истатов, каде за правдата ќе биде задолжен Марјан Дејаноски, а ќе му помагаат Цветанка Савеска и Хабиљ Љиворека, а контролор ќе биде Орце Стефановски.
Од 14 часот се игра дербито меѓу Скопје и Каменица Саса во Пржино, а главен судија ќе биде Здравко Костовски, а ќе му асистираат Мартин Дејаноски и Дарко Видиниќ, додека пак Драган Ристовски ќе биде контролор.
Во 14:30 часот во Струмица ќе се одигра меѓу Тиверија Брера и Ас Јунајтед, а правда ќе дели Ирена Велевачковска, а нејзини асистенти ќе бидат Зоран Ангелов и Ване Данилов, додека пак Васил Аџиев е контролор.
Во 15 часот ќе се игра мечот во Тетово меѓу актуелниот шампион Љуботен и Вардар, а Борче Павловиќ ќе биде главен арбитар, а ќе му помагаат Елена Соклевска Илиевски и Тамара Цветановиќ, додека пак Аце Миноски е контролор.
Во Битола со почеток од 16 часот ќе се одигра дерби за опстанок меѓу Топ Гол и Кочани, а правдата ќе ја дели Димитар Левески, со негови асистенти Ангела Домазетовска и Јован Анѓелкоски, а пак Петре Илиоски е контролор.
