Денес се одиграа уште два натпревари од 14. коло на Втората футсал лига, а на кои натпревари имаше голем број на погодоци.
СЕЕ Университи продолжува да го трасира патот кон влез во Првата футсал лига, откако во Битола со 3:6 славеше над Конзули, во меч каде за гостинот Исмет Цека постигна три гола, а во листата на стрелци за тетовскиот тим се запишаа Гезим Азизи кој во 3. минута го отвори резултатот, Самир Рамадани кој погоди во 10. минута, а во вториот дел за СЕЕ Университи стрелаше Зеќирија Османи. Автогол си постигна Ермал Љиворека.
За домашниот тим двоен стрелец беше Игор Скепаровски, кој погоди по еднаш во двете полувремиња.
Трите бодови останаа во Кочани откако Фудбал Старс со 15:4 го декласираше „фенерџијата“ Карадаку, тим кој и натаму нема бодови.
Дејвид Иванов се истакна со четири гола за дебитантот од Кочани, по три гола постигнаа Јован Стојанов и Давид Тренчев, двојни стрелци беа Христијан Крстов и Ѓорги Зашев, а еден гол постигна Драган Трајчов.
За гостинската екипа двоен стрелец беше Шуајб Шукрија, а пак по еден гол постигнаа Аднан Зенели и Омер Саќипи.
