Охрид одигра одличен натпревар и даде силен отпор кон шампионот Еурофарм Пелистер, но на крај „гладијаторите“ загубија со 23:26.
Ракометарот на Охрид, Рудолф Сафранко, за Спортска Мрежа истакна дека многу ја сакале победата на денешниот меч, но додава дека секогаш се повторува тоа да немаат среќа.
„Па, цело време бевме тука некаде, блиску.. многу ја сакавме победата, имавме и повредени играчи, но сепак не излеговме само да играме, туку и да победиме на овој натпревар, што се виде и по желбата и сè што се случуваше на теренот.. и на крајот не знам, секогаш ни се повторува истото.. немаме среќа, не знам.. тажен сум, моментално и емотивен и тешко ми паѓа овој пораз сега“, рече Сафранко за Спортска Мрежа.
Во следното коло Охрид ќе игра против Вардар во Скопје, а пак Еурофарм Пелистер дома ќе игра со Алкалоид.
