Утре ќе бидат одиграни натпреварите од 22. коло на Втората македонска фудбалска лига, а шест играчи од четири екипи нема да може да настапат за своите екипи поради акумулирани пет жолти картони.
Хендикеп за Охрид ќе биде неиграњето на искусните Самед Кадриоски и Аљтин Лога против Новаци, кои поради жолти картони го пропуштаат мечот од 22. коло. Но и Новаци ќе биде без Бојан Стефановски на мечот против Охрид, исто така поради жолти Картони.
Арсими во Богданци против последнопласираниот Вардарски нема да може да смета на Бесарт Реџепи и Џезаир Авдули.
Екипата на Детонит Плачковица ќе биде послаба во првата зона за Оливер Христов, кој поради пет жолти картони нема да му биде на располагање на страгегот Горан Здравков.
Дури 33 фудбалери има со по четири жолти картони, кои при следен жолт картон ќе го пропуштат следниот натпревар.
