Утре во Скопје ќе се одигра хуманитарен меѓународен натпревар за настраданите во Кочани, кој ќе се одигра во Спортскиот центар Аеродром во склоп на ООУ „Блаже Коневски“.
Почетокот на натпреварот е во 17 часот, а во него ќе се сретнат екипите на ФК Бигорски и гостите од Република Србија – Пут на Свету Гору.
„По иницијатива од нашите големи пријатели од Република Србија, Пут на Свету Гору, кои покажаа многу љубов и посакаа да дојдат и да помогнат ќе се одигра хуманитарен натпревар. Сите љубители на фудбалот и оние кои сакаат да помогнат, се повикуваат да присуствуваат на овој важен хуманитарен настан и да го поддржат доброто дело“, се вели во соопштението.
Собраните средства ќе бидат донирани за настраданите во Кочани, каде во големата трагедија животот го загубија 59 лица.
