Навивачката група Чкембари преку соопштение информираше дека во овие денови на тага поради големата трагедија во Кочани, донеле одлука во чест и почон кон жртвите навивачката група да не користи пиротехничка до крајот на оваа сезона.
„Во овие денови на тага и неверување донесовме одлука во чест и почит кон жртвите, повредените и нивните семејства во трагедијата во Кочани, Н.Г. Чкембари нема да користи пиротехника до крајот на оваа сезона. Уште еднаш изразуваме најдлабоко и искрено сочувство до семејствата на сите настрадани. Исто така, уште еднаш изјавуваме дека сме на распологање, доколку на било каков начин можиме да помогниме“, се вели во соопштението на навивачката група Чкембари.
Во големата трагедија во дискотеката во Кочани, животот го загубија 59 лица, а голем број на лица се хоспитализирани во Македонија и странство.
