Изминатиот викенд беше отворен пролетниот дел на Трета лига – Исток со натпреварите од 10. коло, а вчера требаше да се одиграат натпреварите од 11. коло, но поради големата трагедија која се случи во Кочани, каде во дискотеката која се запали животот го загубија 59 лица, сите спортски настани и натпревари беа одложени.
Трката за најдобар стрелец во Трета лига – Исток ќе биде навистина неизвесна. На врвот од истата е фудбалерот на Слога Виница, Игор Ѓорѓиев со десет гола, на второто место е Октај Амедов со девет гола, исто така од Слога Виница.
По осум гола имаат Петар Илиев од Дојранско Езеро и Дарко Нацев од Овче Поле, а пак по шест гола имаат Кристијан Ристовски од Слога Виница и Димитар Стојановски од Овче Поле.
По пет гола имаат Александар Илиев од Брегалница Делчево и Никола Трајков од Тиверија, а по четири гола имаат Глигор Јанкулов од Дојранско Езеро, Влатко Коцев од Светлост Зрновци и новиот играч на Слога Виница, Филип Петковски со по четири гола.
Искусниот Петковски овие четири гола ги постигна на еден натпревар, а како тргнало нема да биде чудно да биде и најдобар стрелец.
