Вардарски го доби Борец и се разгорува битката за опстанок, Башкими се израмни на врвот со Македонија ЃП!

Битката за опстанок во Втората лига се разгорува откако Вардарски денес со 2:0 го доби дербито од дното против Борец и со тоа се вмеша посериозно за опстанок барем преку бараж, а сепак тимот од Богданци не е отпишан и кога е во прашање директниот опстанок.

Тимот на Вардарски повеќе ја сакаше победата на денешниот натпревар и одигра одличен меч, дефинитивно најдобриот во пролетнито дел, а притоа ја сочува и чиста својата мрежа. Милош Спасовски во 42. минута погоди за 1:0 на полуреме.

Во вториот дел Борец започна со притисок, но немаше погодок, а влегувањето на Ашовалиев и Мендов донесе свежина во вториот дел кај домашниот тим, а токму младиот Ашовалиев кој беше доста брз на теренот во третата зона постигна гол во 78. минута и го реши натпреварот.

Борец не искористи неколку шанси кои му се пружија, а пак Ашовалиев со Мендов имаше одлична шанса кога топката заврши покрај гол.

Од Велес организирано допатуваа околу 40-тина навивачи кои даваа поддршка од трибината на Борец, но по вториот погодок пополека се собраа и си заминаа, свесни за поразот на нивниот миленик со што одново Борец се втурна во ситуација каде ќе има потешка борба за опстанок.

Македонија ЃП ремизираше во Каменица Саса на тешкиот терен против Саса играјќи 0:0, а „лавовите“ може да жалат бидејќи не искористија пенал, откако капитенот Крсте Велкоски не реализираше, откако неговиот удар беше одбранет од домашниот голман. Исходот беше поделба на бодовите.

Башкими го искористи „киксот“ на Македонија ЃП и на домашен терен со 3:0 го декласираше Охрид и со тоа се израмни на врвот од табелата со „лавовите“. Демири, Алексовски и Асани беа стрелци на погодоци за тимот од Куманово.

Беласица со минимални 0:1 го доби дуелот со Победа и со тоа ги освои трите бодови, па струмичани сега се зацврстија во средината од табелата. Стрелец на победничкиот гол беше Александар Милушев.

Кожуф со 0:2 на „Цвај арената“ го доби Вардар Неготино со што и тимот од Гевгелија е сигурен во средината од табелата, а пред Вардар Неготино ќе биде неизвесна пролет за опстанок. Сарески по девет минути игра го отвори резултатот, а во финишот на мечот Стојков ги постави конечните 0:2.

Брегалница ги освои трите бодови во Кочани, откако со 1:2 беше подобра од домаќинот Осогово. Иван Галевски во 38. минута постигна гол за 0:1 на полувреме. Во вториот дел Драган Паунов постигна погодок за 1:1 и ги врати надежите за евентуални бодови. Но, во 60, мунута капитенот Давид Калпачки беше сигурен од белата точка за конечни 1:2.

Скопје и Детонит Плачкоица ги поделија бодовите играјќи 2:2 на „Железарница“ во Автокоманда, откако радовишани во два наврати имаат предност. Јовица Радевски постигна гол за 0:1 на полувреме. Во вториот дел Петре Тасевски постигна гол за 1:1, а во 73. минута Дамјан Масевски погоди за 1:2 и нова предност за гостинот од Радовиш, сепак домаќинот преку Христијан Кировски дојде до конечните 2:2 за поделба на бодовите.

Арсими со погодоци на најдобриот нивен стрелец Аљбин Рамадани и голот на новото засилување Албан Таипи дојде до победа од 0:2 против Новаци.

• ЦЕЛА ТАБЕЛА ОД ВТОРАТА ЛИГА: