Македонската атлетика испиша нова страница во својата историја, благодарение на Андреас Трајковски, кој стана првиот наш атлетичар што успеал да се пласира во финале на Европско првенство во сала. Трајковски го освои осмото место во дисциплината скок во далечина на првенството што се одржува во Апелдорн, Холандија.
Со својот фантастичен скок од 7.85 метри, кој е нов македонски рекорд во сала, Андреас Трајковски го обезбеди 7-то место во квалификациите и успеа да испише историја како првиот Македонец кој се пласирал во финале на Европските првенства.
Во финалето, Трајковски го освои осмото место со најдобар скок од 7,65 метри. Златниот медал заврши кај Бугаринот Божидар Сарабојуков, кој скокна 8,13 метри, додека сребрениот медал му припадна на Италијанецот Матија Фурлани со 8,12 метри. Бронзата ја освои Шпанецот Лестер Лескај, исто така со скок од 8,12 метри, но со полош втор најдобар обид.
„Секако дека сакав повеќе, но самиот пласман во финалето за мене и Македонија е голем успех. Се останато беше бонус. Дадов се што можев, за себе и за Македонија. Јас суАндреас Трајковски со историски успех за македонската атлетикам осмиот најдобар скокач во далечина во Европа. Тоа за мене е големо достигнување“, изјави на Андреас по финалето.
Виолета Јанчева за Спортска Мрежа
