ВИДЕО: Петрушевска ја шокираше Тиверија Брера, Атлетико до голем бод, Хава Мустафа се „распука“ во Битола!

Првото пролетно коло на Првата женска фудбалска лига донесе изненадувања, фаворитите „кикснаа“, а тоа за нив ќе значи опомена ако сакаат титула.

Истатов предводен од искусниот стратег Кирил Изов откина бодови од лидерот Тиверија Брера, откако двете екипи одиграа 1:1. Одличен натпревар на Истатов за што тимот од Струмица се мачеше за да дојде до погодок.

Во 82. минута од мечот беше отворен резултатот откако Тчеури Харуми Гоја стрелаше за 0:1 со што Тиверија Брера поведе на мечот кој се играше во Пржино. Но, радоста кај тимот предводен од Славе Велков не траеше долго, откако Кристина Петрушевска во 89. минута ја стресе мрежата на Тиверија Брера за конечни 1:1 откако претходно одлично ја прими топката и успешно погоди.

Ова е голем бод за Истатов, но од друга страна и знак на претпазливост за Тиверија Брера дека ја очекува многу борба ако сака да ја донесе титулата во Струмица.

• ГОЛОВИТЕ ОД НАТПРЕВАРОТ ИСТАТОВ – ТИВЕРИЈА БРЕРА:

Тоа што го најавувавме пред почетокот на пролетниот дел се оствари, Каменица Саса на домашен терен се „сопна“ откако Атлетико со добра игра извлече бод од фаворитот и тоа на гостински терен во Македонска Каменица во меч без погодоци за конечни 0:0.

Ова е голем бод за Атлетико ако се земе фактот што тимот не беше комплетен со неколку искусни фудбалерки како Мила Талевска, новото засилување Анита Гоцевска, Сандра Триста и Симона Тасева.

Враќањето на овие три искусни фудбалерки во следните натпревари ќе биде повеќе од важен момент за тимот од Битола кој го води Никола Гелевски.

Шампионот Љуботен ги искористи киксовите на конкурентите за титула екипите на Тиверија Брера и Каменица Саса, па на гостувањето во Битола со убедливи 0:8 го декласираше Топ Гол и се доближи до врвот од табелата.

Шампионот од Тетово немаше воопшто мака во Битола и го торпедираше противникот сосема очекувано. Икусната репрезентативка Хава Мустафа со четири голови ја „искина“ мрежата во Битола, хет-трик имаше Екатерина Фролова, а еден гол постинга Александар Марковска.

Речица забележа голема победа од 4:1 над струшки Ас Јунајтед со што домаќинот на своето конто додава три многу важни и големи бодови.

Емили Митковска имаше хет-трик за домашниот тим, а еден гол постигна Теодора Настаова, а пак за гостинот од Струга единствен стрелец беше Оливер Цоклеска.

• ЦЕЛА ТАБЕЛА ОД ПРВАТА ЖЕНСКА ФУДБАЛСКА ЛИГА: