Огромна и убедлива победа за Воска Спорт од 3:1 на домашен терен против Брера Струмица, кој во пролетниот дел и натаму не знае за триумф.
По само пет минути игра домашниот тим преку Виноградац дојде до предност од 1:0 резултат со кој се замина и на полувреме. Во вториот дел Воска Спорт отвори одлично и преку Клинтон дојде до 2:0, а во 67. минута резервистот Адеми погоди за 3:0.
Ова беше резултат со кој Брера Струмица беше надиграна и практично мечот беше решен, а во 85. минута Нзенгуе Мубети ги постави конечни 3:1 со што струмичани и натаму во пролетниот дел немаат триумф.
Шкендија со минимални 1:0 дојде до победа над Тиквеш со што трите бодови останаа во Тетово, а стрелец на победничкиот гол беше Адаму. Тимот од Кавадарци кој лани го освои Купот на Македонија влегува во сериозна борба за опстанок, што ќе носи неизвесна пролет и завршница од сезоната во Кавадарци.
Шкупи на домашен терен го декласираше Пелистер откако на Чаир беа постигнати четири погодоци за конечни 3:1 со што Шкупи влегува во голема победничка серија од пет победи во низа и сега е на само бод од петтото место каде што е шампионот Струга.
По 0:0 на полувреме во вториот дел Ибиши со два голови обезбедија предност за домашнио ттим, а пак Ајетовиќ во 74. минута зголеми на 3:0. Во судиското надополнување Ивановски беше сигурен за конечни 3:1.
Реми без голови одиграа Гостивар и Работнички во дербито за првото место и тулата, резултат кој му оди во прилог на лидерот Шкендија.
Вчера на воведниот меч меѓу Вардар и Беса немаше голови и победник (0:0) за поделба на бодовите.
