Ракометниот клуб Радовиш како домаќин против шампионот Еурофарм Пелистер наместо на домашен терен во СРЦ „25 Мај“ ќе игра во Битола како домаќин.
Со овој меч ќе биде затворено 20. коло на Суперлигата, а радовишани овој викенд ќе немаат можност да следат Суперлига во салата во Радовиш, а во следното 21. коло Радовиш ќе гостува кај Пролет во Скопје, тоа значи дека два викенди во низа ќе нема ракометен натпревар од Суперлигата во СРЦ „25 Мај“.
Радовишани ќе причекаат до 22. коло кога ќе биде одигран натпреварот против Куманово во СРЦ „25 Мај“ со кој меч ќе се затвори регуларниот дел од првенството и потоа ќе се играат плеј-оф и плеј-аут сегментите.
Натпреварот меѓу Радовиш и Еурофарм Пелистер се игра в недела од 13 часот во битолската сала „Боро Чурлевски“.
