Благодарение на расположениот Јован Гетов тимот на Партизан славеше со 35:33 над Овче Поле од Свети Николе во меч од 13. коло на Првата ракометна лига.
Мечот тргна многу неизвесно, а прв удар зададе гостинот кога направи во два наврати плус четири разлика при 4:8 и 6:10, а до крајот на првиот дел домашниот тим го сврте резултатот на 20:15.
Во вториот дел Овче Поле се обидуваше да фати резултатски приклучок, но немаше сили и капацитет, најблиску беше до 32:29, но сепак Партизан не му дозволи изненадување и ја потврди победата од 35:33.
Гевгеличани славеа на крилата на Јован Гетов кој постигна 12 гола, а го следеше Горан Лисичков кој имаше осум гола, од кој два беа од седум метри од три обиди.
За гостинскиот тим се истакна Илија Димов со осум гола, а го следеше Кирил Буровски со шест реализации.
