Екипата на Текстилец со убедливи 36:48 славеше на гостински терен кај тимот на Шампион во рамки на 13. коло на Првата ракометна лига, но Давид Јовчевски од домашниот тим имаше меч за паметење.
Во првите десеттина минути се играше гол за гол, а потоа штипјани започнаа да прават резултатска разлика и на полувреме имаа предност од 16:23.
Во вториот дел Шампион воопшто немаше сили да го следи противникот кој дојде и до плус десет при 21:31, а на крајот славеше висока победа од конечни 36:48.
За домашниот тим прво име беше Давид Јовчевски со фантастични 18 гола, но неговите погодоци не беа доволни за бодови, а пак шест гола имаше Андреј Божиновски.
Кај Текстилец со 11 гола прво име беше Јован Атанасовски, еден помалку имаше Филип Савев, а пак осум гола постигна Филип Џинес.
