Екипата на Превалец е есенски шампион во Третата македонска фудбалска лига – Југ со учинок од десет победи, едно реми и еден пораз, со најдобар напад од
49 постигнати погодоци, со втор најдобра одбрана која примила осум гола, а тоа значи и 31 бод на своето конто.
Ист број на бодови со ист учинок е тимот на Борец од Велес, кој лани испадна од Втора лига. Велешани имаат најдобра одбрана која примила седум гола и трет најдобар напад после тој на Превалец и Ултрас.
Овие две екипи ќе ја водат битката за тоа кој да биде шампион, а со тоа да се обезбеди и баражот за можен влез во Втора лига.
Борец уште лани кога испадна од Втората лига имаше за цел одново да се обиде за експресно враќање како што му успеа пред две сезони, а пак Превалец лани ја загуби трката за баражот, но оваа сезона е цврсто решен да биде шампион.
Росоман е трети со 24 бодови на своето конто дури седум помалку од водечките Превалец и Борец, а пак четврти е тимот на Ултрас кој има 22 бодови на своето конто, останатите екипи се под дваесет освоени бодови.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 ➖ | ФК ПРЕВАЛЕЦ | 12 | 10 | 1 | 1 | 49 | 8 | +41 | 31 |
| 2 ➖ | ФК БОРЕЦ 1919 АД | 12 | 10 | 1 | 1 | 42 | 7 | +35 | 31 |
| 3 ➖ | ФК РОСОМАН-83 | 12 | 7 | 3 | 2 | 28 | 18 | +10 | 24 |
| 4 ➖ | ФК УЛТРАС | 12 | 7 | 1 | 4 | 43 | 23 | +20 | 22 |
| 5 ➖ | ФК ВЕНЕЦ с.Долни Дисан | 11 | 6 | 1 | 4 | 20 | 19 | +1 | 19 |
| 6 ➖ | ФК ПИТУ ГУЛИ | 12 | 5 | 2 | 5 | 24 | 18 | +6 | 17 |
| 7 ➖ | ФК Бучин | 12 | 4 | 3 | 5 | 16 | 25 | -9 | 15 |
| 8 ➖ | ФК МЛАДОСТ 1930 | 12 | 5 | 0 | 7 | 20 | 40 | -20 | 15 |
| 9 ➖ | ФК МЛЕКАР | 12 | 4 | 1 | 7 | 20 | 26 | -6 | 13 |
| 10 ➖ | ФК Влазними Јуниор | 12 | 4 | 1 | 7 | 17 | 26 | -9 | 13 |
| 11 ➖ | ФК БАШКИМИ 2008 | 12 | 3 | 3 | 6 | 19 | 18 | +1 | 12 |
| 12 ➖ | ФК ТОПОЛКА | 12 | 2 | 2 | 8 | 8 | 29 | -21 | 8 |
| 13 ➖ | ФК ДРЕНОВО 2016 | 11 | 0 | 1 | 10 | 9 | 58 | -49 | 1 |
| 14 ➖ | ФК СЛОГА 1976 | 0 | 0 | 0 | 0 | 0 | 0 | 0 | 0 |
