Охрид е есенски шампион во Втората македонска фудбалска лига, откако попладнево во Виница славеше со 0:2 над Слога во последниот меч за есенската полусезона.
„Рибарите“ на Ромео Кочоски резултатот го отворија во 38. минута преку Албнор Каба за 0:1 на полувреме. Во вториот дел неизвесноста беше до 85. минута кога Андреј Ристовски од тешка позиција постигна гол за конечни 0:2.
Сега Охрид е на врвот со 36 бодови, бод повеќе од Шкендија Арачиново која е втора, а три повеќе од Брегалница кој е трета со 33 бодови.
