Утре ќе бидат одиграни натпреварите од четвртфиналето од фудбалскиот Куп на Македонија, а познати се и судиите кои ќе бидат задолжени да ја делат правдата на натпреварите.
Во четвртфиналето ќе се соочат двата второлигаши Детонит Плачковица и Арсими, кои за првпат играат четвртфинале во Купот, како и прволигашите Силекс, Вардар, Струга Трим Лум, Гостивар, Шкендија и Брера Струмица.
Во Радовиш ќе се соочат Детонит Плачковица и Шкендија, каде главен судија ќе биде Александар Грујоски, Стојанче Трпчевски пак ќе ја дели правдата на дуелот меѓу Струга Трим Лум и Гостивар.
Брера Струмица на домашен терен ќе игра против Арсими, а делител на правдата ќе биде Стојанче Стојанов, Фуркан Идризи ќе им суди на Вардар и Силекс.
Сите натпревари од четвртфиналето на Купот на Македонија ќе започнат во 14 часот.
- ДЕЛЕГИРАНИ СУДИИ ЧЕТВРТФИНАЛЕ КУП НА МАКЕДОНИЈА:
Струга Трим Лум – Гостивар, Стојанче Трпчевски (Кавадарци)
Детонит Плачковица – Шкендија, Александар Грујоски (Кичево)
Брера Струмица – Арсими, Стојанче Стојанов (Штип)
Вардар – Силекс, Фуркан Идризи (Тетово).
