Поранешниот прволигаш Ренова во новата сезона ќе игра во Третата македонска фудбалска лига – Запад.
Популарните „гипсари“ во сезона 2022/2023 се откажаа од натпреварување во Првата македонска фудбалска лига, а тоа значеше преселба во Општинската фудбалска лига во Тетово или Четвртата лига.
Минатата сезона Ренова играше во Општинската фудбалска лига во Тетово и заврши на четвртото место на табелата и со тоа обезбеди место во Трета лига – Запад, заедно со екипите на Велазерими од Слатино кој беше прв, Доброшти и Вардар 2022 од Брвеница. Целта на екипата ќе биде враќање во Втора, а потоа и во Првата македонска фудбалска лига, односно враќање на старите патеки.
Ренова во сезона 2009/2010 ја освои Првата македонска фудбалска лига, а во сезона 2011/2012 го освои Купот на Македонија.
Во рамки на првото коло од новата сезона во Трета лига – Север, екипата на Ренова ќе се соочи со Доброшти.