Влазерими има нова мисија оваа сезона по третпат да стане шампион во Трета лига – Запад и со тоа да го обезбеди баражот, па од третпат да се обиде да обезбеди влез во Втората лига.
Влазерими две години по пред е шампион, но две години по пред не ги поминува баражите, минатата сезона загуби од Борец, а претходно од Башкими. Тоа за кое Спортска Мрежа со години зборува е дека баражите треба да станат минато, практичен пример е Влазерими, баражи треба да се укинат, а да се овозможи директен влез на шампионите.
Борбата Влазерими ќе ја води со есенскиот шампион Тетекс, двете екипи ги очекува неизвесна пролетна полусезона, а тимот на Влазерими за таа цел претставу дури девет засилувања, дел од нив Спортска Мрежа ги најави изминатиот период, а клубот сега и официјално потврдува.
Нови имиња во тимот од Кичево се Ресул Рамадани, Агон Хајредини, Христијан Крклински, Иве Трифуновски, Насаф Шабанов, Сами Аљиљи, Ариф Садики, Егзон Османи и Арбен Бајрами.
Рамадани е 21-годишен фудбалер, кој доаѓа од прволигаш Беса, а беше дел и од поранешниот прволигаш Ренова.
Спортска Мрежа ги најави трансферите на Хајредини, Крклински, Трифуновски и Шабанов.
24-годишниот Хајредини пристигна од струшки Караорман, а низ својата кариера беше дел и од охридска Воска Спорт, Слога од Виница, Велешта, Струга Трим Лум, Дрита од Боговиње и Шкендија.
Крклински доаѓа од второлигашот Новаци а 28-годишникот има настапувано и за Светлост од Кукуречани, Кораби, Слога Виница, Црно Буки, Плачковица, Осогово, Скопје, Пелистер и Кравари.
Искусниот Трифуновски исто така доаѓа од редовите на второлигашот Новаци. 34-годишниот Трифуноски е искусен фудбалер, во минатото ги бранеше боите на Пелистер, Брегалница и Кравари.
Шабанов, за кој исто така Спортска Мрежа го најави трансферот во кичевскиот клуб, доаѓа од второлигашот Новаци. Шабанов во минатото имаше свои авантури во Хрватска и Германија, а во Македонија беше дел од поранешните второлигаши Локомотива од Градско и Братство од Житоше, Плачковица, Вардар Неготино, Превалец и Беласица.
Аљиљи е искусне фудбалер, кој дојде од третолигашот БВК Коњаре, а во минатото беше дел од второлигашот Башкими и Ринија. Познато е дека Аљиљи во својата кариера има настапувано и за најдобрите футсал екипите во Македонија.
Садики кој има 23-години доаѓа од второлигашот Башкими, додека пак Османи кој има 26-години исто така доаѓа од редовите на кумановскиот второлигаш Башкими, а има настапувано и за екипите на Беса Влазрими, Братство Влазними, Гоблен и Милано. 29-годишниот Бајрами носи меѓународно искуство, настапувајќи за албански Лузи, а во минатото ги бранеше боите на Камјани, Беса и Тетекс.
Влазерими утре ќе ги започне подготовките за пролетниот дел од сезоната, каде ќе биде вистинска борба за првото место, бидејќи лидер е Тетекс со четири бодови повеќе, но „штофарите“ од Тетово имаат меч повеќе во однос на Влазерими, а токму првото пролетно коло ја носи директната дерби пресметка меѓу овие две екипи.
