Охрид против Вардар на “генералка” пред стартот на пролетниот дел во Суперлигата

Охрид ги привршува подготовките за пролетниот дел од сезоната во Суперлигата, така што ќе го одигра и последниот пријателски натпревар против Вардар, утре со почеток во 18:00 часот во спортската сала ,,Билјанини Извори”.

Љубителите на ракометот ќе имаат можност да уживаат и да гледаат одличен ракомет, а влезот е слободен за сите.

Пролетниот дел Охрид го отвара во Велес против дебитантот Бисинов, а пак Вардар против Пролет во гости.