Ланскиот шампион во Трета лига – Запад, екипата на Влазерими од Кичево, која две години по ред не ги поминува баражите за Втората лига, се засилува со Иве Трифуновски и Христијан Крклински, кои заедно во пакет доаѓаат од второлигашот Новаци.
Се работи за искусни играчи кои ќе треба да помагаат Влазерими најпрво да дојде до шампионското прво место во Трета лига – Запад, а потоа преку баражот да обезбедат враќање во Втората лига.
28-годишниот Крклински има настапувано за Светлост од Кукуречани, Кораби од Дебар, Слога од Виница, Црно Буки, Плачковица, Осогово, Скопје, Пелистер и Кравари.
Трифуновски кој има 34 години, во минатото покрај за Новаци има настапувано и за Пелистер, Брегалница од Штип и Кравари.
Влазерими е на второто место во Трета лига – Запад со четири бодови негатива во однос на есенскиот шампион Тетекс, со тоа што „штофарите“ од Тетево имаат меч повеќе во однос на Влазерими, а првото коло ја носи директната пресметка на овие две екипи.
