Македонскиот прволигаш Шкупи продолжува со засилувањето на својот тим и потпиша договор со 28-годишниот турски голман Јавуз Ајѓун.
Овој искусен чувар на мрежата претходно беше член на турскиот Коњаспор во турската Суперлигата, а својата кариера ја започна во Трабзонспор.
Ајѓун, кој во својата кариера ги носел дресовите на клубови како Гезтепе, Јени Ордуспор, Болуспор, Карагумрук и Испарта 32 Спор, сега ќе биде важен дел од составот на Шкупи. Новиот договор е потпишан на период од година и пол, а се очекува неговото искуство да го зајакне тимот на голманската позиција.
Шкупи есенскиот дел го заврши на 6. место во ПМФЛ со 22 бодови, а пролетниот дел ќе го отвори дома против тимот на Работнички.
