Ристо Јанков, кој е ново засилување на Шкендија на голманската позиција, го имаше негово прво интерјву за клупскиот веб-сајт на Шкендија, а во истото вели дека ќе даде се од себе заедно со сите останати играчи за остварување на целта, а тоа е двојна титула.
„Чест и задоволство е да се биде дел од овој тим. Шкендија веќе долго време е еден од најдобрите тимови. Ќе дадам се од себе за да му помогнам на тимот колку што можам и како и секоја година да се бориме за две титули, првенство и Куп и да останеме што подолго во Европа. Можам да ветам, секако како и сите играчи, дека на секој тренинг, на секој натпревар ќе дадеме максимум за победа, за нови успеси и нормално, да ги оствариме нашите цели, освојување на Купот и титулата“, рече Јанков.
Јанков, кој има 26 години во тетовска Шкендија дојде од редовите на Тиквеш, претходно бранеше за Брегалница, Политехника Лаши, Каспиј, Работнички и Локомотива.
