Македонскиот суперлигаш Радовиш ги започна подготовките за пролетниот дел од сезоната, а на првата прозивка беа речиси сите ракометари на кои ќе сметаат тренерите Спасе Ѓоргиев и Александар Долдуров. Промени во играчкиот тим ќе има, откако клубот се раздели со со Иванче Ончев, Филип Талески, Роберт Миланов, Виктор Марковиќ, Марко Стојанов и Јован Ѓоргиев.
Радовишани ќе одиграат и неколку контролни средби преку кои ќе се темпира формата за пролетниот дел. Целта на клубот е опстанок во Суперлигата, откако во есенскиот дел повратникот не одигра според очекуваното.
- РАЗГОВОР СО ТРЕНЕРОТ СПАСЕ ЃОРГИЕВ, ЗА ЦЕЛИТЕ, ПЛАНОВИ, ПОДГОТОВКИ ЗА НОВИТЕ ИГРАЧИ:
Радовиш есенскиот дел го заврши на последното место на табелата со само еден бод, како единствен тим кој нема триумф, откако пред стартот на сезоната имаше одредени турболенции, но сега истите конечно се решени, па клубот влегува значително освежен, финансиски, но и играчки, откако беа промовирани либанскиот голман Хусеин Сакр, Хамза Фалах од Тунис ќе ја засилува левата бековска позиција во Радовиш, а ново засилување е и десниот бек Калид Махмуд од Египет, а пак кружен напаѓач е Томче Трајчевски кој доаѓа од Прилеп и кој всушност е повратник во тимот.
Пролетниот дел Радовиш го отвара против Тиквеш во Кавадарци.
