Детонит Плачковица утре ќе ги започне подготовките за пролетниот дел од Втората лига.
Здравков на Градскиот стадион во Радовиш, ќе ја има првата прозивка со играчите, а потоа ќе се одржи и првиот тренинг.
Веќе се договорени и пријателските натпревари, а еден ќе биде и меѓународен.
Првиот тест меч ќе се одигра на 18. јануари против Кожуф, потоа на 22. јануари со прволигашот Брера Струмица, три дена подоцна следува тестирање со Беласица, а пак на 29. јануари против Осогово од Кочани.
За 2. февруари е закажан меѓународен пријателски меч со Вихрен Сандански кој ќе се одигра во Бугарија, а “генералката” на тимот на Здравков ќе биде против прволигашот Силекс, меч кој ќе се одигра во Кратово.
