Алекс Златков, поранешниот младински репрезентативец на Македонија, има нов клуб, се враќа во Словенија, каде ќе настапува во Втората лига.
22-годишниот фудбалер, претходно беше дел од Шкупи, а настапуваше и за Македонија ЃП, но сепак, не траеше тоа долго, па реши да се врати во Словенија.
Новиот клуб на Златков е Бриње, тим од Втората словенечка лига, каде ќе се обиде да го покаже својот потенцијал и да му помогне на тимот да избори промоција во Првата лига. Пред ова, Златков играше за Триглав и Крањ, екипи од Словенија.
Новиот тим на Златков е на 5. место на табелата, има 29 бодови на своето конто или четири помалку од лидерот Горица.
