Ракомет

Чупиќ ја прифаќа фаворитската улога: Вардар сака победнички крај пред паузата!

Сподели
ФОТО: РК Вардар
Сподели

Вардар го очекува нов голем предизвик во домашниот шампионат. „Црвено-црните“ во недела ќе го пречекаат најголемиот ривал Еурофарм Пелистер во дербито од деветтото коло во Супер машката лига, со желба да стигнат до нов триумф и со позитивен резултат да го завршат овој дел од сезоната пред репрезентативната пауза.

Тренерот Иван Чупиќ се надева на силна поддршка од трибините и атмосфера достојна за најголемото македонско ракометно дерби. Тој потенцира дека секој освоен бод има значење во долгата првенствена трка, иако сезоната е сè уште во раната фаза.

„Се надеваме дека ќе играме пред полна сала, во добра атмосфера и со голема поддршка од нашите навивачи. Сакаме да продолжиме со победите во македонското првенство. Знаеме дека првенството е маратон и дека има уште многу до крајот. Сè уште сме на почетокот од сезоната, но секој бод ни е многу важен. Ја знаеме нашата крајна цел.“

ФОТО: РК Вардар

Предводникот на вардарци очекува тежок дуел со битолчани, во кој покрај квалитетот, важна улога ќе имаат и емоциите што традиционално ги носат пресметките на големите ривали. И покрај напорниот распоред и големиот број одиграни натпревари, Чупиќ најавува максимална подготовка и верува во добар настап на својот тим.

„По домашното дерби со Охрид, сега ни доаѓа Еурофарм Пелистер. Дербито секогаш носи многу тензија и емоции од двете страни и сигурно нè очекува тежок натпревар. Добро се подготвуваме, ја прифаќаме фаворитската улога и очекувам в недела да одиграме квалитетно, да победиме и успешно да го заокружиме овој дел од сезоната пред репрезентативната пауза“, изјави Чупиќ.

Вардар ќе ја има предноста на домашниот терен, а дуелот со Еурофарм Пелистер ќе биде можност да ја потврди амбицијата за продолжување на победничкиот ритам во првенството. Дербито е закажано за в недела, 1 ноември, со почеток во 17:45 часот во СЦ „Јане Сандански“.

Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Кошарка

МЗТ Скопје доби нов тренер – искусниот Дејан Мијатовиќ го презема македонскиот шампион!

Актуелниот македонски кошаркарски шампион МЗТ Скопје Аеродром го реши прашањето околу новиот шеф на стручниот штаб. Искусниот српски стратег Дејан Мијатовиќ е назначен...

Останато

Македонскиот шампион Штип УГД го „прегази“ Работнички за огромна радост на штипјани во „Џексон“

Македонскиот шампион Штип УГД забележа огромна победа над Работнички од Скопје со максимални 3:0 во сетови во рамките на 4. коло на Првата...

Поврзани написи
Ракомет

(ФОТО) Лазаров го надмудри својот учител Червар – Алкалоид го урна Еурофарм Пелистер и се искачи на третото место!

Ракометарите на Алкалоид на домашен терен во го совладаа актуелниот вицешампион Еурофарм...

Ракомет

ГРК Тиквеш ќе добие нов тренер, откако се раздели со Кристијан Грчевски

Суперлигашот ГРК Тиквеш ќе добие нов шеф на стручниот штаб, откако клубот...

Ракомет

Пелистер ја врати неизвесноста во групата: по Гумерсбах, следува директен дуел со Гдањск

Победата над Гумерсбах со 29:28 ја промени европската перспектива на Еурофарм Пелистер....

✕
error: Содржина е заштитена! Се забранува копирање на истата!