Ракомет

Јанковски: Подготвени сме за Тиквеш, со нашите навивачи одиме по првата победа!

Сподели
Сподели

Младост е пред нов предизвик во Суперлигата, деветтото коло го „носи“ Тиквеш во Богданци, дуел во кој домаќинот ја бара првата сезонска победа, а пак гостинот од Кавадарци по петтиот триумф во „Млаз“.

Атмосферата во таборот на Младост е позитивна, тимот на Горан Андоновски е подготвен за соочување на кое ќе се бара првата радост, навивачите се мобилизираат да ја наполнат салата „Млаз“ до последното седиште.

Дека тимот е подготвен потврдува и крилото Славе Јанковски, кој за Спортска Мрежа истакна дека ги очекува тежок дуел, но се надева со поддршка од навивачите да стигнат до првата победа.

„Одлично сме подготвени, ја бараме првата победа на домашен терен оваа сезона со Тиквеш. Не очекува тежок натпревар со Тиквеш, која е една добра и искусна екипа, но со поддршка од нашите навивачи кои се со нас на секој натпревар и ни даваат максимална поддршка одиме на прва победа“, вели Јанковски за Спортска Мрежа.

Јанковски кој летово во Младост дојде од редовите на Радовиш потенцираше дека треба борба за секоја топка, оваа сезона како што вели струмичанецот секој натпревар е тежок и нијанси одлучуваат, се надеваат дека со намалување на техничките грешки ќе се израдуваат на првата победа.

„Секој натпревар оваа сезона е тежок и одлучуваат нијанси. Треба да се бориме за секоја тока, да ги намалиме техничките грешки на крај да имаме малку спортска среќа и да се радуваме на победа“, дополни Славе Јанковски во изјава за Спортска Мрежа.

Натпреварот меѓу Младост и Тиквеш се игра во недела од 18 часот во салата „Млаз“ во Богданци.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Кошарка

МЗТ Скопје доби нов тренер – искусниот Дејан Мијатовиќ го презема македонскиот шампион!

Актуелниот македонски кошаркарски шампион МЗТ Скопје Аеродром го реши прашањето околу новиот шеф на стручниот штаб. Искусниот српски стратег Дејан Мијатовиќ е назначен...

Останато

Македонскиот шампион Штип УГД го „прегази“ Работнички за огромна радост на штипјани во „Џексон“

Македонскиот шампион Штип УГД забележа огромна победа над Работнички од Скопје со максимални 3:0 во сетови во рамките на 4. коло на Првата...

Поврзани написи
Ракомет

(ФОТО) Лазаров го надмудри својот учител Червар – Алкалоид го урна Еурофарм Пелистер и се искачи на третото место!

Ракометарите на Алкалоид на домашен терен во го совладаа актуелниот вицешампион Еурофарм...

Ракомет

ГРК Тиквеш ќе добие нов тренер, откако се раздели со Кристијан Грчевски

Суперлигашот ГРК Тиквеш ќе добие нов шеф на стручниот штаб, откако клубот...

Ракомет

Пелистер ја врати неизвесноста во групата: по Гумерсбах, следува директен дуел со Гдањск

Победата над Гумерсбах со 29:28 ја промени европската перспектива на Еурофарм Пелистер....

✕
error: Содржина е заштитена! Се забранува копирање на истата!