Трета лигаФудбал

Победа Тромеѓа се откажува од Третата лига регион 2: Клубот по седум кола донесе одлука за повлекување од натпреварувањето!

Сподели
ФОТО: Спортска Мрежа
Сподели

Фудбалскиот клуб Победа од Тромеѓа донесе одлука да се повлече од понатамошното натпреварување во Третата македонска фудбалска лига – регион 2. Одлуката е официјално соопштена до Фудбалската федерација на Македонија (ФФМ), а како причина се наведуваат актуелната состојба и неможноста клубот да продолжи со исполнување на обврските што ги носи натпреварувањето.

Клубот од Тромеѓа, кој е формиран во 1977 година, ја започна сезоната во третолигашката конкуренција, но по седум одиграни кола одлучи да го прекине својот настап. Во официјалното известување се посочува дека одлуката е донесена по внимателно разгледување на состојбата и можностите за непречено функционирање на клубот.

И покрај вложениот труд, посветеноста и желбата за развој на фудбалот во Тромеѓа, од раководството посочуваат дека во овој момент не постојат услови за продолжување на натпреварувањето. Известувањето е доставено до ФФМ на 29 октомври 2026 година, а потпишано е од претседателот на клубот, Иван Цветковски.

„Со ова известување, Фудбалскиот клуб ФК Победа Тромеѓа, формиран во 1977 година, Ве известува дека донесе одлука за откажување од понатамошното учество во натпреварувањето во Трета лига.

Одлуката е донесена по внимателно разгледување на актуелната состојба и можностите за непречено функционирање на клубот и исполнување на сите обврски што ги носи натпреварувањето.

И покрај вложениот труд, посветеноста и желбата за развој на клубот и фудбалот во нашето место, во овој момент не сме во можност да продолжиме со натпреварувањето.

Ве молиме да го примите ова известување и да нè информирате за понатамошната административна постапка и обврските што произлегуваат од донесената одлука.

Ви благодариме за досегашната соработка и разбирање“, се вели во клупското соопштение.

  • Победа Тромеѓа со две победи, две ремија и три порази по седум кола

Пред одлуката за повлекување од натпреварувањето, Победа Тромеѓа одигра седум натпревари во Третата лига – регион 2, во кои забележа две победи, две ремија и три порази.



Клубот освои вкупно осум бодови, со 11 постигнати и 16 примени погодоци, односно негативна гол-разлика од пет погодоци.

Со оваа одлука завршува натпреварувачкиот настап на Победа Тромеѓа во третолигашката конкуренција за оваа сезона, додека се очекува надлежните органи на Фудбалската федерација на Македонија да ја спроведат соодветната административна постапка и да ги утврдат последиците од повлекувањето во согласност со важечките прописи.

Повлекувањето на клуб со речиси петдецениска традиција претставува неповолен развој на настаните за локалниот фудбал во Тромеѓа. Останува надежта дека во иднина ќе се создадат подобри услови за стабилно функционирање на Победа и нејзино враќање на фудбалската карта.

Со повлекувањето на Победа од Тромеѓа од натпреварување во Трета лига регион 2 ќе продолжат со натпреварување девет регион со што овој регион е најмалиот регион по број на екипи кои се натпреваруваат.



Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Ракомет

Станојоски: Подготвени сме за жестока борба со Радовиш, сакаме нова победа – нашата цел е директен пласман во Суперлигата!

Македонија ЃП продолжува со одличните натпревари во Првата ракометна лига, „дробилицата“ во претходното коло го доби ланскиот суперлигаш Пролет, а сега се подготвува...

Ракомет

Нацев: Секој натпревар го играме како дерби, така ќе биде и против Радовиш – не нè интересира бараж, нашата цел е првото место!

Екипата на Македонија ЃП по големата победа над суперлигашот Пролет од 30:40 се подготвува за дуел со уште еден лански суперлигаш – домашен...

Поврзани написи
Прва лигаФудбал

Лидерот Струга гостува во Штип, дерби на Вардар и Тиквеш, Силекс ќе бара бодови против Шкендија

Репрезентативната пауза заврши, фокусот е на 14. коло од Првата македонска фудбалска...

Втора лигаФудбал

Беласица ќе добие нов тренер, Раде Цицмиловиќ поднесе оставка поради лични причини

Второлигашот Беласица ќе добие нов тренер откако Раде Цицмиловиќ поднесе оставка и...

✕
error: Содржина е заштитена! Се забранува копирање на истата!