Вечерва беа одиграни нови три натпревари од осминафиналето од Новогодишниот турнир во мал фудбал „Куклиш 2024“. Првиот меч донесе многу погодоци откако Герасов со 8:7 славеше над Фурна Марфи.
Давид Блажевски постигна четири погодоци за тимот на Герасов, хет-трик постигна Филип Неделковски, а пак Владимир Трендафиловиќ беше стрелец на еден гол. За тимот на Фурна Марфи четири гола постигна Игор Ристов, двапати погоди Роберто Ристов, а еднаш погоди Константин Василев.
Вечерва пукна „петарда“ откако Гала Бау Роко Виери со 5:0 го декласираше тимот на Криго Трејд. Виктор Тошевски беше двоен стрелец, а по еден гол постигнаа Давид Крстевски, Насаф Шабанов и Блеран Ќамили.
Третиот меч наместо вистинска мега-дерби пресметка, немаше ни „Д“ о дерби откако Вистони ЖП со 8:2 ја декласираше Црна Река. По два гола за Вистони ЖП постигнаа Горги Гогов, Александар Черкезов и Столе Иванов, а пак по еден гол имаа Никола Божинов и Васко Коцев. За тимот на Црна Река стрелец на двата гола беше Петар Ристовски.
Утре започнува четвртфиналето и на програмата ќе биде два натпревари. Првиот е од 20 часот, а ќе се соочат Гала бау Роко Виери против Герасов, а пак еден час подоцна ФК Дрвош против тимот на Еклектик.
Спонзори и помагатели на „Куклиш 2024“ се Општина Струмица, Еклектик, Лав Комерц, Јови-МК, Никола Црнкаров, Агро-Драв-ВД, Едисон Јосе, Фреш Енд Драј, Криго-Каес, НП-Транс, Бимакс-Плус, Вен Воцар, Икарус, Стариот Џумбушлија, Христмил-Банско, Тера Пет Плус, Владо Банско, Печатница Дељо, Токи Еднокуќево, Термо-Митко и Флекс Компани.
Спортска Мрежа е медиумски покровител на овој спортски настан.
