Синоќа беа одиграни три натпревари на турнирот во мал фудбал „Стојаково 2025“, од кои два беа кај јуниорите, а еден во сениорска конкуренција. Јанг Бојс во генерација 2016/2017 беше пресилен откако забележа победа од високи 6:0 над Џоко Чона во меч на тотална доминација, а публиката уживаше во шест погодоци.
Вториот меч во генерација 2010/2011 беше далеку понеизвесен и возбудлив, Vibe Bar беше минимално поразен од 1:2 од тимот на Маркет Го-Да Чонов Микро.
Слично помина и единствениот меч кај сениорите, Џокер Фурка загуби со минимални 1:2 од тимот на Клик од Гевгелија, кој беше подобар. Присутните во салата беа сведоци на три гола, но и на добар меч со многу неизвесности до самиот крај.
Вечерва продолжуваат возбудувањата од 18 часот јуниори генерација 2016/2017 Мини Дриблерс против МК Гевгелија, а пак од 18:30 часот генерација 2012/2013 У-10 од Гевгелија против Џоко Чона од Гевгелија. Во 19 часот кај сениорите Кафе Бар Проект против Илинден 2007, а пак од 19:45 часот Пролетер од Стојаково ќе го пречека тимот на Тобако Лени.
Спортска Мрежа годинава по првпат е медиумски покровител на овој турнир во мал фудбал, кој секоја вечер ја полни салата со силна поддршка на секој меч.
