Македонскиот фудбал конечно ќе добие ВАР-технологија, речиси насекаде во Европа има ВАР-технологија, но не и во Македонија.
Тоа што досега немаше ВАР во македонскиот фудбал се должеше и на фактот што немавме судии и стручни лица за работа со истата.
Новиот претседател на ФФМ, Масар Омерагиќ истакна дека ВАР во Македонија ќе има од следната сезона 2025/2026.
„Под итно воведување на ВАР технологија на стадионите. А, потоа и инфраструктура со трибини, рефлектори и терени. Тоа ќе биде еден од приоритетите. Ќе создадеме средина каде што секој играч од грасрут до професионално ниво ќе има пристап до квалитетни терени. Оваа цел заеднички ќе ја оствариме со поддршка на УЕФА И ФИФА, со помош од државните институции и локалната самоуправа“, вели претседателот Омерагиќ.
ВАР-технологијат ќе треба да се примени веќе од следната сезона, бидејќи е потребно време од неколку месеци за имплементирање на истата.
„ВАР ќе има од следната сезона 2025/2026, значи од следната година, затоа што е потребен рок од неколку месеци за обука и инсталирање на тој систем. Меѓутоа сигурно е дека истиот ќе биде подготвен за наредната сезона“, рече новиот претседател на ФФМ.
Конечно и мак-фудбалот ќе добие ВАР-технологија, а тоа е нешто што клубовите го бараат секоја сезона.
