Фудбалската федерација на Македонија од денес има нов претседател, откаок на вонредното изборно собрание Масар Омерагиќ како единствен кандидат ја доби довербата од сите присутни делегати со акламација.
На почетокот на Собранието свое обраќање имаше поранешниот преседател Муамед Сејдини, за што веќе Спортска Мрежа информираше и пренесе дел од изјавата на Сејдини, а обраќање имаа и претставници на УЕФА и ФАФА.
„Фудбалот е тимска работа. Поединец не може сам. Имам визија и трпение и верувам во добриот тим околу себе. Заедно ќе успееме“, рече новиот претседател на ФФМ, Масар Омерагиќ.
Присутни беа и големи фудбалски имиња ккоа Горан Пандев, Илија Најдовски, Артим Шакири, Агим Ибраими, Ѓорѓи Христов кои ќе бидат вклучени во структурите на ФФМ, а пак Марјан Стојкоски од ОФС Прилеп е избран за потпретседател на ФФМ, кој доаѓа на местото на Лазар Ракиџиев.
Дрилон Ганиу е назначен за в.д. генерален секретар на Фудбалската федерација на Македонија.
На предлог на новиот претседател на ФФМ, Горан Пандев е назначен за спортски директор на сите македонски репрезентативци селекции, Илија Најдоски и Агим Ибраими се назначени за советници во кабитентот на новиот претседателот на ФФМ, Масар Омерагиќ.
