И официјално, Иван Николов повторно е дел од својот матичен клуб Брегалница. 24-годишниот играч за врска се враќа во Штип по период во кој настапуваше за Академија Пандев и Вардар, а стекна и интернационално искуство.
Николов во својата кариера беше дел од данскиот Сондерјиске, како и од Радник Бјелина од Босна и Херцеговина.
Сега следува нова страница во кариерата на младиот фудбалер, кој повторно ќе го носи дресот на клубот во кој ги направи првите фудбалски чекори.
Неговото враќање претставува дополнително засилување за Брегалница, која во новата сезона има амбиции за што подобар пласман и враќање на клубот на патеките на старите успеси.
Тој своето деби ќе го има во петок на гостински терен против Струга Трим Лум со почеток од 17:00 часот.
