Македонскиот футсал шампион Проект вечерва од 20:00 часот го започнува настапот во претквалификациите за Лигата на шампионите, со натпревар против домаќинот и шампион на Австрија, Атлетик Футсал Клуб Грац.
За првиот натпревар од групата А се познати и официјалните лица кои ќе ја делат правдата во „Blue Box“ во Грац.
Главен судија на натпреварот ќе биде Срѓан Михајловиќ од Србија, додека негов прв асистент, односно втор судија, ќе биде Жоао Педро Перејра Синвал од Португалија.
Трет судија е Лаурентиу Илие од Сан Марино, додека функцијата мерач на време ќе ја извршува Даниел Штаубер од Австрија.
За натпреварот е делегиран и контролор е Иван Новак од Хрватска, додека делегат на УЕФА ќе биде Андреа Фарабини од Италија.
- Службени лица
🇷🇸 Главен судија: Срѓан Михајловиќ
🇵🇹 Втор судија: Жоао Педро Перејра Синвал
🇸🇲 Трет судија: Лаурентиу Илие
🇦🇹 Мерач на време: Даниел Штаубер
🇭🇷 Контролор: Иван Новак
🇮🇹 Делегат на УЕФА: Андреа Фарабини
Вечерва во Грац нè очекува дуел на шампионот на Македонија против шампионот на Австрија, во кој Проект ќе се обиде со добар резултат да го отвори својот европски настап.
- 📅 Среда, 26 август 2026
🕗 20:00 часот
🏟️ Blue Box, Грац
🇲🇰 Проект – Грац 🇦🇹
- ЌЕ ИМА И ПРЕНОС ВО ЖИВО!
За сите кои нема да бидат во Грац, натпреварот ќе може да се следи во живо, а линкот за пренос ќе биде споделен еден час пред почетокот на натпреварот.
Спортска Мрежа е во Грац и ексклузивно го следи настапот на македонскиот шампион во Лигата на шампионите!
