Македонската репрезентација до 15 години претрпе минимален пораз од Украина со 0:1 во третото коло од Развојниот турнир што се одржува во Струмица.
Единствениот гол на натпреварот го постигна украинскиот дефанзивец Данил Росул во 20. минута, што на крајот се покажа како доволно за победа на гостинската селекција.
Нашите млади фудбалери имаа свои можности да стигнат до позитивен резултат. Хари Папиќ во 11. минута се најде во одлична позиција, но со глава шутираше над голот. Во 71. минута и Муадини имаше одлична шанса, но неговиот удар под пречката го одбрани украинскиот голман.
За избраниците на селекторот Горан Георгиевски ова беше трет натпревар на турнирот. Претходно Македонија ја совлада Естонија со 1:0, додека против Босна и Херцеговина одигра нерешено 2:2.
МАКЕДОНИЈА до 15 години: Давор Грабуловски, Артан Рамадани (57` К. Арсовски), Стефан Петковски (85` А. Вукељ), Максим Мечкаровски (46` Л. Ристов), Марко Мартиновски (68` О. Елези), Габриел Фударски Митев (68` Н. Јовановиќ), Стефан Шилковски, Стефан Дрндаровски (46` А. Бафтијари), Хари Папиќ (68` В. Грданоски), Џемал Алили (57` А. Симоновски), Аник Исуфи (46` Л. Факиќ);
Стрелец: 0:1 Данил Росул 20`
