Во финалната фаза од подготовките за своето четврто учество на ЕвроВолеј 2026, машката одбојкарска репрезентација на Македонија ќе одигра три контролни натпревари против бугарскиот суперлигаш Берое 2016 од Стара Загора.
Дуелите ќе се играат од 1 до 4 септември во СЦ „Јане Сандански“ во Скопје, а во договор меѓу тренерските штабови дополнително ќе биде одлучено дали натпреварите ќе имаат отворен или затворен карактер.
Берое 2016 минатата сезона настапуваше во плеј-офот на бугарската Суперлига, а клубот забележа и историски настап во европскиот Челинџ куп.
Трите средби ќе бидат последна сериозна проверка за избраниците на македонскиот селектор пред настапот на ЕвроВолеј 2026 во Софија, каде што Македонија ќе се обиде во најдобро светло да се претстави на континенталното првенство.
